Zarautzen gizonezko bat atxilotu dute haurdun dagoen bere emaztea jo duelakoan

Zumaian bizi den 26 urteko gizonezko bat atxilotu zuen atzo Ertzaintzak Zarautzen, bere emaztea jo zuelakoan. Emaztea haurdun dago, eta Donostiako erietxera eraman zuten, sabelean hematomekin. Herrizaingo Sailak jakinarazi duenez, atzo anbulatoriotik abisua hartu zuten, haurdun zegoen emakume bat han zegoela esanez. Ertzaintza bertaratu zenean, gizonezkoa anbulategi inguruan zebilen, eta atxilotu egin zuten.