Isabel Zelaa (PSE-EE) Eusko Jaurlaritzako Hezkuntza sailburuak Bizkaiko Ikastolen Elkarteko ordezkariei gaur jakinarazi die igandean ez dela Galdakaon (Bizkaia) Ibilaldian izango, PSE-EEren egunera joango delako. Larrosaren Jaia ospatuko dute sozialistek domekan.
Hain zuzen, Zelaak eta Bizkaiko Ikastolen Elkarteko ordezkariek bilera egin dute gaur, eta sailburuak esan die Jaurlaritzako Hizkuntz Politikarako Saileko kideak joango direla Galdakaora. Izan ere, Zelaaren ustez, Ibilaldia "oso ekimen garrantzitsua" da.
Hezkuntza publikoa "oinarrizkoa" dela iritzi dio sailburuak, baina "beste eragile batzuk" ere badaudela azpimarratu du; "ikastolak eta zentro pribatuak, adibidez". Hezkuntza sistema hobetzeko asmoz hausnarketan parte hartzera gonbidatu ditu Bizkaiko ikastolak.
Horiek Euskal Herriarekin daukaten "konpromiso argia" nabarmendu du Manu Aurrekoetxea Bizkaiko Ikastolen Elkarteko zuzendariak. "Guztien artean ahaleginak batu behar ditugu, hezkuntza sistema hobetzeko bidean".
hezkuntza
Zelaa ez da domekan Ibilaldira joango, PSE-EEren eguna delako
Eusko Jaurlaritzako Hezkuntza sailburuaren arabera, Bizkaiko ikastolen aldeko festa "oso ekimen garrantzitsua" da, eta Hizkuntz Politikarako Saileko ordezkariak bidaliko ditu.
Iruzkinak
Ez dago iruzkinik
Ordenatu
