Zentralei ausazko azterketak egitea proposatu du IAEAk

Segurtasun nuklearra «hobetzeko» asmoz, IAEA Energia Atomikoaren Nazioarteko Agentziak egun martxan dabiltzan 440 zentraletan ausazko azterketak egitea proposatu du. Datozen hiru urteetan 440 zentraletatik %10 inguru aztertzea da plan berriaren asmoa. «Edozein planta azter daitekeela jakiteak segurtasun neurri zorrotzenak ezartzera behartzen ditu arduradunak», azaldu du agentziako zuzendari nagusi Yukiya Amanok. Azterketak gobernuekin hitzartuko dira.