Zestoako alkateak dudak azaldu ditu Piaspe proiektuaren harira, baina aztertzeko prest da

ZESTOA. Zestoako Udala herritarrekin bildu zen ostiralean, Azpeitiko, Errezilgo eta Zestoako (Gipuzkoa) lurretan jarri asmo duten Piaspe proiektu eolikoaz aritzeko. Udalaren webean idatzitako albiste batean jaso dutenez, alkateak esan zuen egun eskura dauzkaten «datu urriekin» ezin dute babestu egitasmoa. Ohar baten bidez ondoren udalak nabarmendu nahi izan du proiektua aztertzeko «prestutasuna».