ZUBIBIDEA ERAISTEKO ESKATU DUTE

Bilboko Basurtu auzoko Sabino Aranako zubibidea botatzeko eskatu zuten atzo auzokideek, elkarretaratze batean. Iragan hilean ekin zioten auzotarrek protestak egiteari. Gaur, foru aldundiarekin bilduko dira, eskaria helarazteko. Bilborako sarbide berriak egin bezain laster zubibidea eraisteko eskatuko diote gaurko bileran.Bizkaiko Foru Aldundiak, 1998ko planean, zubibidea eraisteko konpromisoa hartu zuen. Baina, orain, bertan behera utzi du.