Zuriñe Gainza independentea izango da Bildu koalizioaren zerrendaburua Bizkaiko batzar nagusietarako —Bilboko barrutitik aurkeztuko da— eta Txema Azkuenaga independentea Bilboko Udalerako, gaur Bilduk berak jakinarazi duenez.
Foru bozetan Durango-Arratiako barrutian ere independente bat izango da Bilduren zerrendako buru: Irune Soto. Enkarterrietakoa Alternatibako kide bat: Asier Vega. Eta Busturia-Uribekoa EAko bat: Joseba Gezuraga.
Bilboko Udalerako aurrenak, Azkuenagaz gain: Aitizber Ibaigarriaga eta David Lopategi independenteak, Helena Gartzia EAkoa eta Ana Etxarte Alternatibakoa.
EAk, Alternatibak eta independenteek osatzen dute Bildu. "Bizkaitar aurrerakoien eta subiranisten" botoa jaso nahi du.
