Creutzfeldt-Jakob gaitzari aurre egin dio irlandar batek

Hiru urtez Creutzfeldt-Jakoben gaixotasuna izan ondoren, hiltzeko arriskutik ateratzea lortu du Irlandako Jonathan Simms gazteak. Munduan lehen kasua da. Probatzen ari diren tratamendu baten ondorioz gainditu omen du Simmsen gaitza. Bi urtetik hona, Pentosan gaia txertatu diote, zuzenean burmuinean, 20 urteko gazteari. Soilik 12 pertsona ari dira mundu osoan tratamendu hori jasotzen.