2017-2018ko ikasturtean jarri zuten martxan Skolae proiektua, berdintasun eta hezkidetza balioak sustatzeko. Hasieratik eskuinaren kritika gogorrak jaso baditu ere, denborarekin egonkortu eta zabaldu egin da herrialde osoko eskoletara.

Ika-mika izan da Bernedoko Euskal Udalekuari buruz azken aste hauetan. Zenbait hedabidek udalekuen funtzionamenduari buruz argitaratutako informazioek eta horrek sortutako harrabotsak agerian utzi dute sexu hezkuntzaz gehiago hitz egin beharra dagoela.

LGTBI kolektiboko kideak kriminalizatzeko neurriak dituzten 65 estatu daude mundu osoan. Afrikan oso lege gogorrak daude indarrean, eta Europako estatu batzuetan ere handia da bazterketa.

Martxoaren 8an bete ziren hamar urte Naizen Adingabe Transexualen Familien Elkarteak bidea abiatu zuenetik. Hango bozeramaile Bea Sever eta elkartetik igarotako Xuban Senar gizon transa egindako bideez eta gizartean izandako aldaketez aritu dira BERRIArekin.

Norberaren biografian markatuta gelditzen diren mugarrietako bat da lehen musua. Adituak bat datoz: nortasuna eraikitzen duten piezetako bat da lehen musua, eta nerabezaro-helduaro trantsizio horretan dauden sexu jarrerak hobeto ulertzen lagun dezake.

Nerea Osinalde EHUko Biokimika Saileko irakasleak, bere iritzi zutabean, kontatzen du zergatik hasi ginen musuak ematen. Musuak afektuarekin eta maitasunarekin erlazionatzen ditugula dio, baina, dioenez, hori ez da gertatzen munduko kultura askotan.

Sare sozialek, liburuek eta telesailek guztiz aldatu dute nerabeek sexualitateaz duten ikuspuntua. Carmen Ruiz Repullo soziologoaren erranetan, neskak «hipersexualizaziora» bultzatzen dituzte harremanetan, eta mutilak, berriz, «sexu demostraziora».

Azken hamarkadan gora doaz sexu bidez kutsaturiko gaitzak, batez ere gazte eta nerabeen artean. Adituek uste dute «lotsa» eta «ezjakintasuna» nagusi direla gazteen artean, eta sexu heziketa eta prebentzioa indartu behar direla.

Estuki lotuta daude elikadura nahasmenduak eta sexualitatea. Alabaina, harremana ez da oso ezaguna, eta gutxi ikertu da, Paula Martinez (Getxo, Bizkaia, 1996) sexologo eta Suazugan proiektuaren sortzailearen irudiko.