Mundu guztiakliburuak txalotzen dituen egunean, missing egin nuen nik, missing Garbine eta Angel zutabekideek ere. Liburuez, tintarik ez. Kointzidentziak esan nahiko du zerbait, hermeneutika pixka bat eskatzen du kasuak. Ni neuretik mintzatuko naiz, ordea, Garbinek eta Angelek ondo frogatua dute-eta ez dutela aingeru goardakoen beharrik.
Dotore geldituko litzaidake esatea in absentia jokatu banuen liburuaren inguruko hipokresia eta festa atxanpanatua salatzeko izan zela. Agian pose hutsa izan zen, agerian uzteko mordenoñoena egitea eta epatatzea gustatzen zaidala. Poliki ematen du urteroko liturgiek aharrausika lehertzeraino aspertzen nautela esatea ere.
Baina beharbada liburuek berek aspertzen naute: onartu beharko nukeen aukera bat da hipotesi gisa bederen, mentura sinesgaitzenei ere erreparatzea eskatzen dit nire lanak.Gainera ezdabil ba airean idazleok-eta ere gero eta gutxiago irakurtzen ote dugun airea?
HITZ BESTE
Ausentzia
Iruzkinak
Ez dago iruzkinik
Ordenatu
