Japoniakoa, Gadafirena, lurralde arabiarretakoa, Afrikako gerra galduren bat, Zapateroren erabakia, Sortu eta bukle amaigabea, halako kirol talderen azken emaitza… Tsunamiak, istripuak, uholdeak, laba sumendietatik behera…
Gertakariak dira. Prentsako titularrak eta prentsaren arreta merezi duten kontuak. Zerbaitek gertatu behar du, kazetaritzak zer kontatua izan dezan. Halakorik ez balitz kazetaritza desagertu egingo litzateke? Autopsiarako froga garbi bat dago: abuztuko egunkariak ahuldu eta mehetu egiten dira.
Gertatu, ordea, gauza asko gertatzen zaigu egunero. Mirari hutsak diren kontuak. Arnasa hartzetik hasita. Mirari bat da bi pertsonen arteko komunikazioa eta ekaitz erabatekoa komunikatu ezina: gertakariak biak ere.
Gertakarien hari mehe bat da bizitza. Tsunamia eta arnasa hartzea, biak dira gertakari. Baina bietako bat baino ez da albiste. Hori da aldea. Zorionez.
Hitz beste
Gertakariak
Iruzkinak
Ez dago iruzkinik
Ordenatu
