Hauxe ederra: etxe desjabetzeak aurrera eramaten, legearen errespetua predikatzen eta jendea kale gorrira botatzen aritu diren eragileak —bankariak, politikariak, epaileak, poliziak…— etxe desjabetzeen kontra zeuden nonbait. Eta gu enteratu ez. Ez, ez gara enteratu gaur arte, zer ginen ba gor itsuak. Gaur arte ez diegu entzun ez dagoela eskubiderik, gizalegearen kontrako jarduna dela, legeak herritarrak babesteko direla eta ez alderantziz. Herenegun bezala atzo, bereak ziren mikrofonoak, bereak ziren kamerak, berek zer esango zeuden hedabideak, baina edo berak mutuak ziren edo gu gara gorrak. Gaur arte ez diegu fitsik entzun. Orain, ordea, oso daude sentibera arazoarekin, oso dira solidarioak lakra lazgarria sufritzen ari direnekin.
Errealitateak erre egiten du eta errealitatea aurpegian lehertu zaie.
Sekulako oinazea sentitzen omen dute erraietan. Orain ematen du berak direla etxerik gabe gelditu direnak.
Hitz beste
Gorrak ginen
Iruzkinak
Ez dago iruzkinik
Ordenatu