Arrosa da nire leihoko ziklamena. Arrosak dira peoniak, tulipak, orkideak eta arrosak. Arrosak dira gereziondoak loretan daudenean. Arrosak dira lotsa, arnasestua eta maitemina. Arrosak dira angurriak eta mugurdiak. Arrosak dira zeruertzak eta lainoak benetan eder daudenean. Arrosak dira ezpainak, uzkiak eta azkazalak. Arrosa da nik gehien erabiltzen dudan bihotz emotikonoa. Arrosa da Pirritxen ilea. Arrosak dira marrubi zaporeko txikleak, jogurtak eta hortzetako pasta. Arrosak dira post-it-ak eta azpimarragailuak. Arrosak dira zauriak, pikorrak eta erredurak. Arrosa da sukaldea garbitzeko trapua. Arrosak dira Uxue Alberdiren Dendaostekoak eta Juanpe Sanchezen Tonterías liburuak. Arrosak dira petit suisse-ak eta frigopieak. Arrosak dira jantzita daukadan kamiseta eta lotarako erabili dudana. Arrosak dira txerriak, flamenkoak eta olagarroak. Arrosak dira Pantera Arrosa, Los Lunnisetako Lulila, Bob Esponjako Patricio eta Pokemoneko Jygglypuff. Arrosa da Himalaiako gatza.
Bularreko minbizia ez.
