Mi mi sol mi mi sol fa mi sol fa mi re re / mi mi sol mi mi re mi fa mi re mi / re mi fa mi re mi fa sol fa sol la sol fa mi re / re mi fa mi re mi fa sol / fa sol la sol fa mi. Pasa dira txistulariak. Mi re# mi re# mi si re do la / do mi la si / mi sol# si do / Mi re# mi re# mi si re do la / do mi la si mi do si la. Bigarren pisukoa pianoa ikasten hasi da. Re re do si do si do si la sol / so sol fa fa mi mi re re do do si la. Eta hirugarren pisukoak pixka bat euskaldundu ditu guraso izateak. Do do si la sol fa sol mi / do re mi re do do / Do do si la sol fa sol mi / mi sol mi mi re do. Na na na, na na, na na na. Hasperena ere nota bat da.
Musika gutxiko hizketa darabilgu aspaldian. Izango da hala ere inguruan oraindik irakurtzea eta kantatzea berdintzen dituenik. Gaur Santa Zezilia eguna, musikarien eguna, ospatuko du hainbatek; Shakirak, segur aski, ez. Musika ia denean, eta musikariak apenas ikusten ditut. Altabozak braust zenbat gorputz ordezkatu dituen. Orain musika jarri egiten da jo bainoago. Jartzen dena, baina, kentzen ez da zaila; eta joa, joa geratu egiten da.