Jira

Ispilua

Xabier Gantzarain Etxaniz.
2011ko martxoaren 30a
00:00
Entzun
Han, Artesanako terrazan eserita, jendea lasai zegoen, betaurreko beltzen atzetik munduari so, asteburuari harrera beroa egiten. Astelehenean inauguratuko dute, entzun nuen esaten, San Telmo museoaz ariko zirela pentsatu nuen: bukatu gabeko itxura zeukan. Oraindik lanean ari zirenez, metalezko hesi batek galarazten zuen plazarako sarrera, baina hesia kenduta ere plaza hark ezertarako gogorik ez duela piztuko iruditu zitzaidan, urruti geratzen dela museoa.

Plazak, kaleak, lekuak beraiek ari dira ez-leku bihurtzen, banakako aulkiekin, harrizko itsaso bareegiekin; zuhaitz triste baten gerizperik ere ez da. Ematen du jendea ez ibiltzeko egiten direla plazak orain, ez direla lur azpiko aparkalekua estaltzeko harrizko txapelak besterik. Haurren irudimenak konpondu beharko ditu helduen hanka sartzeak, beti lez.

San Telmo Museoko zuzendari Susana Sotori egindako elkarrizketa zekarren berripaper honek igandean. Harrapatu egin ninduen titularrak: ¬ęGizartean gertatzen ari dena erakusteko ispilu bat da San Telmo¬Ľ. Eta pentsatu nuen, arkitekturaz tutik ere ez jakiteak ematen duen atrebentziarekin, holaxe estali beharko luketela plaza guztia, bai eta eraikin berriaren aurrealdea ere, ispiluz.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.