Mortadela-xerrak bezala estaltzen dituzte, baina koska da mortadela zelofanezko pelikula batez biltzea on osasuntsua dela: zelofanari esker, produktuaren itxura ikusten duzu, jakia ez da hain laster alferrik galtzen, bezeroaren hatz lohiek ezin dute txerrikia lardaskatu.
Ederki, badakigu zertarako balio lezakeen plastikozko pelikula finak.
Baina liburuak zelofanez bildu eta mortadelarekin berdintzea, hori bai ezetz! Zelofana jarri aurretik daude liburuak fresko-fresko edo galduta, zelofanak ez die iraungipen-data luzatuko. Liburua liburu dena, zabaldu egin behar da, orriz orri eskukatu, freskoa den ikusi. Lardaskan hasteko gogoa eragiten badu, horratx huraxe erosteko zirrigai lizun askoa. Esku sartzeko motiborik eragiten ez badu, apalera itzuli, eta kito.
Euskal editoreak ez dira (oraindik) liburuak mortadela balitz bezala saltzen hasi. Ez diezagutela liburu bat erosteak daukan erotismo fina zentsuratu…
Hitz beste
Utikan zelofanari!
Iruzkinak
Ez dago iruzkinik
Ordenatu
