Gaur, kanpainak eta publizitate-iragarkiak alde batera utzita, data berezia da etxe askotan, berezikiago gogoratzen baikara aitez eta aitonez. Baina, aldi berean, aukera paregabea da, hain zuzen, aitak direlako dauzkaten eskubide eta beharrak aldarrikatzeko, bereziki lan arloan. Duela egun batzuk, Emakumeen Nazioarteko Eguna izan genuen, eta berriz nabarmendu ziren emakumearen egitekoaren zein lan munduan dituen eskubideen defentsa. Mundu horretan, emakume eta ama askok moztuta baitituzte hegoak, beren senarrek lana eta familia kontziliatzeko gaitasuna edo erraztasunak ez dituzten unetik.
Horregatik da garrantzitsua emakumeontzako eskatzen diren aldarrikapenetako asko gizonen eta aiten eremura eramatea. Garrantzi bera edo handiagoa daukalako eurek beren lanaldia murriztu ahal izatea, ordutegi malgua edukitzea edo aitatasun baimena hartu ahal izatea, horregatik beren laneko betebeharrak uzten dituztela interpretatu edo enpresarekin duten konpromisoa zalantzan jarri gabe. Emakumea lan munduan erabat sar dadin pausoak eman behar diren bezala, gizonak familiaren eta etxearen esparruan sar daitezen ere eman behar dira, are gehiago aitak badira. Zeren eta hezteko eta haien aitatasuna erantzukizunez garatzeko denbora behar da, eta kalitatezko denbora, familiari eskaintzeko. Aitatasun positiboa guraso guztien konpromisoa izan behar da, baina, hori gauzatzeko, nahitaezkoa da beharrezko babes sozial, instituzional eta enpresariala izatea.
Zuzendariari
Aitaren eguna
Iruzkinak
Ez dago iruzkinik
Ordenatu