ZUZENDARIARI

Behar Bidasoa: kanpairik jo gabeko solidaritatea

2023ko uztailaren 24a
00:00
Entzun
Iazko ekitaldiaren berri zabaldu du Behar Bidasoa izeneko Txingudiko GKEak, eta, berritasunen artean, aipagarria da elebidun dela lehendabizikoz; zorionak eta aurrera! Hala ere, mamiari dagokionez, ezin sinisteko moduko ibilbidea du. 1976an sortu zuten, Jose Ramon Amunarriz irundar misiolaria Ruandara joan zenean. Hauexek dira erakundearen printzipio eta balioetako batzuk:

- Errespetua pertsonen iritzi eta balioekiko, herrien kultur aniztasunari.

- Elkartasuna eta laguntza desparekotasun arazoak gehien sufritzen dituzten herrientzat.

- Giza eskubideak eta pertsona guztientzat ¬ębizimodu duina¬Ľ lortzea, bereziki herrialde txiroenetan.

Proiektuak zehazte aldera, hona batzuk: umezurtz-etxeak, presoen birgizarteratzea, eguzki-plakak, nekazaritza eta baratzegintza, heziketa, ludoteka, biblioteka, osasungintza, etxegintza, ur-horniketa, ubideak, komunak, jangelak, elikadura, hirugarren adina eta abar.

Ekimen-esparruari dagokionez, aldiz, Afrikan (Ruanda, Tanzania, Kongo) eta Hego Ameriketan (Bolivia, Brasil, Kolonbia, Kuba, Paraguai...) eta Filipinetan dira garapen-guneak edo aitabitxi-amabitxiak dituzten guneak. Bidasoaz harat, ordezkaritzak ditu Azkoitian, Azpeitian, Bizkaian eta Donostian ere.

2009an Gipuzkoako Boluntariotza Saria jaso zuen. Bertako solidaritatetik nazioarteko solidaritaterantz ekin eta jarrai! Informazio-osagarria www.beharbidasoa.org webgunean.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.