ETBk gaztelaniaz egitera bulkatu gaitu

Joan den astean, Yamaguchi parkean ginela, ETBko kazetari batzuk «harrapatu» gintuzten, eguraldiaren gaineko zerbait galdegiteko. Erantzun genuen, euskaraz, eta gero eskatu ziguten gauza bera gaztelaniaz esateko, ETB 2rako. Halaxe egin genuen. Gero pentsatu nuen: zergatik eskatu ziguten gauza bera gaztelaniaz esateko? Ezin al zuten eurek itzuli, azpidatziekin? Edo bere horretan eman, nahiz eta ETB2 izan? Mesedez, ETBk ez gaitzala bulkatu gaztelaniaz egitera, horretarako ez dago-eta haren beharrik; bestela ere, egunero beharturik egoten gara mila aldiz gaztelaniaz egitera.