Garaiak aldatzen dira, poliziak ez

Bideo bat ikusi dut. Bertan, zenbait ertzainek, bultzaka, besoetatik bizkarrera helduta zegoen gazte bat zeramatela ikusten da. Bat-batean, duela 59 urteko igande hartako oroitzapena etorri zait, 1966ko ekainaren 12koa, hain zuzen ere. Manifestazioa gaur egungo epaileen aurreko epaileek zigortutako Zalbide etakidearen aurkako epaiketa salatzeko. Grisek bultzaka eraman ninduten beren jeep batera. Gasteizen falangisten aurka egindako manifestaziotik ikusi dudan bideoan, desberdintasun bakarra Ertzaintzaren uniformeen kolorea izan da, urdinak baitziren. Batzuk grisak, besteak urdinak. Garaiak aldatzen dira, baina polizia guztiak berdinak dira, ikusi dudanez. Nire elkartasuna falangisten aurka manifestatu ziren gazte horiei.