Hotelak eta etxebizitza turistikoak ugaldu diren gure herrialde honetan, bada guztiok ezagutu baina inor gutxik aipatzen duen luxuzko hotel bat. Bertan izan naiz Donostiako Aste Nagusian: leihotik zuhaitzak eta itsasoa ikusgai, zeruaren urdina sabai, 24 orduko zerbitzu ezin hobea zain. Donostiako Unibertsitate Ospitaleaz ari naiz. Medikuak, erizainak, erizain-laguntzaileak, garbitzaileak, zeladoreak... guztiak nitaz arduratuta. Irribarrea ezpainetan, goxotasuna ahotsean eta profesionaltasuna eskuetan. Horregatik da ospitalea luxuzkoa. Esker ona besterik ez dut bihotzean, eta barrutik irteten zaidan oihu ozena: oso ondo zaindu nauzue. Gure eginbeharra izango da, beti, zuek zaintzea, horrelako hotelek eta unibertsitateek egiten gaituztelako handi eta sendo.
Zarautz
Osasuna eta luxua
Iruzkinak
Ez dago iruzkinik
Ordenatu
