Duela aste batzuk ziren jokatzekoak, baina euriteengatik zegoen alarmagatik ezin izan zuten. Bada, gaur, bai. Ados Pilota Klubeko lau pilotarik partida jokatu dute Madrilgo Jai Alai fronotoian. Hori egin duten lehen emkaumezko pilotari profesionalak dira. Neurketa Iturriagak eta Mendiburuk irabazi dute, Barrokalen eta Olatz Ruiz de Larramendiren kontra. 22-20.
Partida lehiatua izan da, tentsio handikoa, eta puntu ikusgarriak ere izan dira. Pilotazale ugari bildu dira, eta ederki gozatu dute. Partida amaitu ostean bertaratuek aukera izan dute pilotariei galderak egiteko, eta haiekin argazkiak ateratzeko.
Frontoia 1894ean inauguratu zuten, eta obra batzuk egin eta gero, berriro zabaldu zuten. Pilotalekukko sarreran garai batean Madrilgo frontoiak bete zituzten erraketisten irudia ikusgai zegoela jokatu da partida.
