Aitor Zabaletaren omenezko harmaila bat izango du Anoetako estadio berriak

REALA. Anoeta eraberritzeko obrak aurrera doaz, eta, horrekin batera, Realak jakinarazi du eraikiko diren harmaila berrietako batek Aitor Zabaleta izena edukiko duela. Han zalerik sutsuenak bildu nahi dituzte: «Harmaila berezia izatea nahi dugu, hasieratik bukaerara taldea bultzatuko duena». Bertan eserlekua izan nahi duten zaleentzat, zabalik dago izena emateko aukera.