Bengoetxea VI.ak eta Galarzak ere lortu dute lehen puntua

Amaitu da Binakako Txapelketako lehen jardunaldia, eta amaitu, lau partidetako eskasenarekin amaitu da. Bengoetxea VI.ak eta Ladis Galarzak 22-19 irabazi zieten atzo Jaunarenari eta Barriolari Eibarko Astelenan. Neurketa eskasa izan zen, bi bikoteek hamaika huts egin baitzituzten. Eskasia horretan Asegarceko bikotea izan zen onena, eta horri esker lortu zuen txapelketako aurreneko puntua. Azken emaitzak dioena baino parekotasun txikiagoaizan zen, 21-14 joan baitziren aurretik irabazleak. Azken tantoetan, baina, galtzaileek markagailua txukundu egin zuten.