Bilboko Triatloia maiatzaren 18an egin zen, eta Berasategik irabazi zuen. Proba bukatu ostean, dopinaren kontrako kontrola egin, eta positibo eman zuen. Emaitza ikusita, analisiak berriro egiteko eskatu zuen.
Gaur aitortu du emaitzak zuzenak zirela eta damututa dagoela; triatloia oso kirol gogorra dela eta eskatzen duen exigentzia mailarengatik psikologikoki “apurtuta” zegoela. Aurtengo denboraldia 25 urteko karrera luzearen azkena izango dela jakinarazi zuen duela bi hilabete.
