Ademar Leon eskubaloi taldeak Bartzelonaren aurka jokatuko du gaur Kopako finala, Bidasoa-Irun taldeari gol bakarrez irabazi ostean (34-35).
Norgehiagoka bizia eta parekatua jokatu zuten bi taldeek. Hasiera-hasieratik ikuskizun ederra eskaini zieten ikusleei. Defentsan tinko aritu ziren bi taldeak, baina era berean erasokor eta bizi.
Etxekoek hiru golen aldea zuten atsedenaldira iristean (17-14), baina irundarrek segituan berdindu zuten markagailua. Bigarren zatian ere maila handia erakutsi zuten bi taldeek. Markagailuan 29-29 eginda, luzapena jokatu behar izan zuten. Gipuzkoarrek azkenera arte guztia eman zuten arren, 35-34 galdu zuten.
