Bizkaia-Durangok beste ziklista ingeles bat fitxatu du: Amy Monkhouse

TXIRRINDULARITZA. Bizkaia-Durango taldeak ingeles kutsua izango du datorren denboraldian, herrialde horretako hiru ziklista izango baititu: Lauren Dolan, Lizzie Holden eta Amy Monkhouse. Azken hori da Agurtzane Elorriagak zuzendutako taldeak fitxatutako azkena. 18 urte ditu, Erresuma Batuko selekzioarekin aritu da gazte mailako Munduko Txapelketan, eta postu onak lortu ditu Binda Saria eta Gante-Wevelgem klasikoetan, besteak beste. «Oso pozik» dago Monkhouse. «Asko ikasi ahalko dut bizikleta gainean zein lehiatik kanpo».