Astearen hasieran Cleveland Cavaliersek lortu zuen NBAko Ekialdeko finalera iristea eta bart Denver Nuggetsek erdietsi du Mendebaldekora heltzea. 4-1 irabazi dio kanporaketa Dallas Mavericksi. Azkeneko partidan 124-110 nagusitu zaio. 24 urte zeramatzan Denverrek aipatutako finalera iritsi gabe.
Carmelo Anthony hegal-pibota izan da bart bere jokalaririk onena: 30 puntu sartu ditu. Dallasekoa, Dirk Nowitzki pibota: 32 puntu, hamar errebote, zazpi asistentzia.
Denverrek Mendebaldeko finalean Los Angeles Lakers edo Houston Rockets izango du aurkari. Lakers ari da irabazten kanporaketa, 3-2.
Saskibaloia
Denver, NBAko Mendebaldeko finalera
4-1 irabazi dio kanporaketa Dallas Mavericksi.
Iruzkinak
Ez dago iruzkinik
Ordenatu
