Donostiako kaleak elastiko txuri-urdinez eta zuri-gorriz bete dira

Derbi berezia jokatuko dute gaur Realak eta Athleticek, Espainiako Kopako finalerako sailkatzea izango baitute jokoan. Ilusioa piztu da zaleen artean, eta sumatzen da giroan. Donostiako kaleak elastiko txuri-urdinez eta zuri-gorriz ari dira betetzen.

Anoeta bete egingo da gaur, baina aurrez ere festa giroa da nagusi. Zaleak hasiak dira giroa berotzen. Realak egitarau oparoa osatu du. Gune bat prestatu du estadioko hamahirugarren atearen ondoko zabalgunean, eta zuzeneko musika eta jateko eta edateko aukera dago bertan. 17:00etatik 23:00etara egongo da zabalik, eta 23:00etan irekiko dute berriro.

Horrez gain, Realeko zaleek harrera egin diote taldearen autobusari, 19:00etan, Anoeta hotelean. Baita Athleticekoek ere. Arima hotelean elkartu dira zale zuri-gorriak, 18:30ean.