"Babesle gisa joko garbia eta dopinaren aurkako kultura lehenetsi ditu beti Liberty Segurosek. 2005ean, txirrindulari bat dopinagatik zigortu zutela-eta, klausulak gogortu egin genituen dopinaren aurka txirrindularitzan egin den kontraturik zorrotzenetakoa erdietsiz", dio aseguru enpresak zabaldu duen prentsa oharrak.
Ildo horretatik, Saiz atxilotu eta dopinarekin nahast izanak beren izen ona honda dezakeela uste du Liberty Segurosek, eta, ondorioz, txirrndulari taldearekin zuen kontratua bertan behera utzi du.
Txirrindulari taldearen jabea Active Bay enpresa da, eta Saiz da hartan akziodun nagusia. Nolanahi ere, Liberty Segurosek finantzatzen zuen. Diru iturri hori gabe taldeko txirrindularien etorkizuna zalantzan da.
Txirrindularitza
Dopinaren auzia tarteko, txirrindulari taldea babesteari utzi dio Liberty Segurosek
Manolo Saiz kirol zuzendariaren txirrindulari taldeari babesa eta laguntzak kentzea erabaki du Liberty Seguros aseguru enpresak, hain justu, Saiz dopinarekin zerikusia duen operazioan nahastu dutelako. Babesle gisa betidopinaren kontra izan direla nabarmendu du enpresak, eta Saizen atxiloketak bere izen onari kalte egiten diola.
Iruzkinak
Ez dago iruzkinik
Ordenatu
