Joseba Ezkurdia ere Banakako Txapelketako final-laurdenetan izango da. Faborito argia zen Asier Agirreren aurka, eta gaur, Zarautzen (Gipuzkoa), ez du hutsik egin (22-7). Ezkurdia hasieratik izan da jokoan nagusi, eta, Agirrek hasieran eutsi dion arren, 8-6tik aurrera gailendu egin da arbizuarra. Ez da Agirreren partidarik onena izan, eta sakez asko asmatu du Ezkurdiak.
Herenegun Dariok errepasoa eman zion Urrutikoetxeari (5-22), eta atzo Unai Lasok lortu zuen ligaxkarako txartela, Peña II.a menderatuta (22-13). Bihar, berriz, bi txapeldunek jokatuko dute Eibarren (Gipuzkoa): Irribarriak eta Jakak. Irabazleak soilik jokatuko du ligaxka.
Altunak, Zabaletak, Dariok eta Ezkurdiak osatuko dute A multzoa; Rezustak, Artolak, Lasok eta Irribarriak edo Jakak B multzoa.
