Finalerdi parekatuak Europako Txapelketan

Ezusteko gutxi egon da Danimarkan, Europako Eskubaloi Txapelketan. Lehia hasi baino lehen aipatzen ziren faborito guztiak iritsi dira finalerdietara: Frantzia, Espainia, Danimarka eta Kroazia. Gaur, ordea, bi geratuko dira bidean, elkarren artean ariko baitira: espainiarrek eta frantziarrek jokatuko dute lehen finalerdia, 18:00etan, eta etxekoek eta kroaziarrek bigarrena, 21:00etan. Azken txapelketa garrantzitsuarekin alderatuta, iaz Espainiak antolatu zuen Munduko Txapelketa, Frantzia da berritasun bakarra, beste hiru selekzioak finalerdietan izan baitziren.