Frantziak lana biribildu nahi du, eta Suediak itxura ona emanda agur esan

Hirugarrengoan badirudi baietz. Azken bi txapelketa garrantzitsuetan lehen ligaxkan agur esan ondoren, Frantziak eskura ditu final-laurdenak. Gaur Suediarekin berdintzea besterik ez du behar zortzi urte geroago kanporaketak jokatzeko. Gol baten aldeaz galduta ere sailkatuko litzateke. Frantziarrek Suedia izango dute aurkari, jokoan ezer ez duen selekzioa. Hori bai, itxura ona emanda agur esan nahiko dute suediarrek. Laurent Blancek Ukrainari irabazi zion talde bera zelairatuko du. Erik Hamrenek, aldiz, aldaketa dezente egingo ditu.