Hernandezek ezustea eman du Laudion

ZIKLO-KROSA. Aitor Hernandezek (Orbea) ezustekoa eman zuen atzo Laudioko proba irabazita (Araba). Ermuarrak hamahiru segundoren aldea atera zion Egoitz Murgoitiori (Hirumet), faborito nagusiari, eta hemezortzikoa Javier Ruiz de Larrinagari (Spiuk). Atzoko garaipenarekin, Superprestigioko lider da Hernandez. Gaur Muskizen (Bizkaia) jokatuko da proba (13:15).