Espainiako emakumezkoen eskubaloi selekzioak lehenengo garaipena lortu du gaur Tokion, Frantziari 25-28 irabazita. Ainhoa Hernandez bizkaitarrak gol bat sartu du norgehiagokan. Ligaxkako bigarren jardunaldia izan da gaurkoa, igandean jokatu zuten lehenengoa, eta 24-31 galdu zuten Suediaren aurka.
Atsedenaldira 12-12 heldu dira, eta bigarren zati guztian nagusitzea lortu du Hernandezen eta Nerea Penaren taldeak, batez ere defentsan eta kontraerasoetan egindako lanagatik.
Hurrengo partida Brasilen aurka jokatuko dute, ostegunean, Euskal Herriko 04:00etan.
