Tentsioz betetakoa izan da Eurokopako F multzoko azken jardunaldia. Hungaria, Islandia, Portugal eta Austria, lau selekzioak bizi-bizirik iritsi dira azken partidara, eta eroak izan dira bi partidak. Portugalek irabazi beharra zeukan multzoko lehen postua lortzeko, baina Hungaria hiru aldiz jarri da aurretik, Gera (19. min.) eta Dzsudzsaren (47. eta 55. min.) golekin. Kinka larrian egon da Portugal, baina Nanik lehenengo (43. min.) eta Cristiano Ronaldok gero (50. eta 62. min.).
Hirunako berdinketarekin, azken unera arte multzoko bigarren postua bere eginda ibili da Portugal, baina Islandiak 94. minutuan sartu du 2-1ekoa, Austriaren aurka, Traustasonen eskutik, eta bigarren postua berreskuratu du. Aurretik, Gunnarssonek sartu du 1-0ekoa (18. min.) eta . Schopfek 1-1ekoa (60. min.).
Emaitza horiekin, ondorengoak dira zehaztuta dauden final-zortzirenetako kanporaketak: Suitza-Polonia, Kroazia-Portugal, Alemania-Eslovakia, Italia-Espainia eta Ingalaterra-Islandia.
