Itxakok uko egingo dio Ohorezko Mailan aritzeari

ESKUBALOIA. Berri txarrak euskal eskubaloiarentzat. Izan ere, ezustekorik ezean, Itxakok uko egingo dio Espainiako Ohorezko Mailan aritzeari. Lizarrako taldeak bi urte daramatza kinka larrian, eta azkenaldian babeslerik eta diru laguntzarik gabe geratu da. Itxakok lau liga, hiru kopa, bi superkopa eta EHF kopa bat irabazi ditu. Eta Bera Berak irailaren 7an jokatuko du Superkopa Ro'Casaren aurka.