Izetatarrek, marka bikaina ehun kiloko bolarekin

HARRI-JASOTZEA. Izeta aita-semeek, Joxe Ramon eta Hodeiek, marka bikaina egin zuten herenegun Bermeon, ehun kiloko bolarekin. Ehun jasoaldi eman zizkioten bolari, eta horretarako zazpi minutu eta 50 segundo behar izan zituzten. Marka zortzi minutu eta erdian egitea zen haien asmoa, baina erraz hobetu zuten esperotakoa.