Lara Arruabarrenak erretiroa hartu du, aspaldian ez zuela gozatzen argudiatuta

TENISA. Lara Arruabarrena tenislari tolosarrak bukatutzat eman du bere kirol ibilbidea, 30 urterekin, hamalau urtez profesional izan ostean. Aitortu duenez, urteak zeramatzan gozatu ezinik, batez ere lesioek eraginda: «Lasai eta bakean noa; oso zoriontsu izan naiz». WTA zirkuituko bi torneo irabazi ditu, bi binaka, eta zortzi binaka. Munduko 52. sailkatua izan zen. Padeleko jokalari profesionala izan nahi du orain.