Larraldek bigarrenez irabazi du buruz buruko txapela, Ospitali 40-18 nagusituta

TRINKETA. Peio Larralde hazpandarrak 40-18 irabazi zion herenegun Mathieu Ospital urepeldarrari, Baionako Moderne trinketean, Buruz Buruko Trinket Txapelketako finalean. Ospital zen faboritoa, ligaxkan aise irabazi baitzion Larralderi, baina Moderne trinketak mesede egiten zion bigarrenari, eta ondo baliatu zuen garaipena lortzeko. Bigarren txapela du Larraldek, orain bi urte ere txapeldun izan baitzen.