Larraldek eta Bilbaok nagusitasun handiz irabazi dute binakakoan (40-10)

PILOTA. Peio Larraldek eta Bixintxo Bilbaok ezustekoa eman zuten herenegun binakako trinket txapelketako finalean, Baionan, eta 40-10 irabazi zieten Herve Etxeberri eta Batita Ducassouri. Irabazleak 11-0 irabazten hasi ziren eta askoz gehiago izan ziren partida guztian. Berezkoen mailako lehen txapela da bientzat. Larraldek, bide batez, buruz buruko finaleko arantza atera zuen.