Iñigo Lekue Athleticeko jokalariak erretiroa hartuko du denboraldia amaitutakoan. Klubak ez dio kontratua luzatu, eta, beraz, Lekuek futbol profesionala uztea erabaki du. Bizkaitarrak ibilbide osoa egin du Athleticen: 11 denboraldiz aritu da lehen taldean, eta 281 partida jokatu ditu elastiko zuri-gorria jantzita. Gainera, hiru titulu lortu ditu: Espainiako Kopa irabazi zuen 2023-2024ko denboraldian, eta Superkopa 2014-2015eko eta 2019-2020ko denboraldietan.
Hain zuzen, 2015ean egin zuen debuta Lekuek lehen taldearekin, Ernesto Valverderen gidaritzapean. Ez du berehalakoan ahaztuko: Superkopako finaleko joanekoan izan zen, Bartzelonaren aurka, eta Athleticek 4-0 irabazi zuen.
Klubak eskerrak eman dizkio jokalariari, eta postu desberdinetan aritzeko duen gaitasuna nabarmendu du. Hiru partida falta dira liga amaitzeko, eta Athleticek merezi bezala agurtu nahi du Lekue.
