Movistar taldeko Marlen Reusserek Giroko lehen garaipena eskuratu du, 14,2 kilometroko ibilbidea 17 minutu eta 22 segundoan eginda. Batez beste, orduko 49,06 kilometroko abiaduran egin du. Reusser erlojupeko txirrindulari trebea da, eta, garaikur ugari irabazi dituen arren, gaur ere erakutsi du zergatik den Giroko faboritoetako bat.
Aldaparik gabeko eta zailtasun tekniko gutxiko etapa izan da Bergamokoa. Suitzarrak 12 segundoren aldea atera dio Lotte Kopeckyri, eta 16 segundorena Elisa Longo italiarrari. Helmugaratu ostean, Marlen Reusser pozik eta hunkituta agertu da: «Oraindik ez dut sinisten Maglia Arrosa jantziko dudanik. Egun zoragarria izan da gaurkoa».
