Mendilibarrek ordezkatu du Sampaoli Sevillan

FUTBOLA. Jose Luis Mendilibar entrenatzaile arituko da berriro, langabezian geratu eta urtebetera. Sevilla zuzenduko du denboraldia amaitu arte. Espainiako taldeak sasoi honetan izango duen hirugarren entrenatzailea da: Julen Lopetegi eta Jorge Sampaoli izan ziren aurrekoak. Sevilla hamalaugarren postuan da egun, jaitsieratik bi puntura.