Miarritze Bigarren Mailara jaitsi da

ERRUGBIA. Denboraldi bat baino ez du egingo Miarritzek Top 14an. Igo zela ez da urtebete pasatu, eta, dagoeneko, Bigarren Mailan dago. Horretara ez heltzeko, Castresi irabazi behar zion atzo etxean, azken-hirugarren jardunaldian, baina askogatik galdu zuen (13-48). Bost garaipen baino ez ditu lortu. Bestalde, Getxok Espainiako Ohorezko Mailara igotzeko finalerdiaren joanekoa dauka gaur, Faduran (12:00), Belenosen aurka. Ligan, bi partidak irabazi dizkio aurkariak.