Mikel Nievek luzatu egin du Mitchelton taldearekin duen kontratua, bi urterako

TXIRRINDULARITZA. Mikel Nievek eta Mitchelton Scott taldeak akordio bat egin dute igotzaile leitzarraren kontratua bi urte luzatzeko. Nievek 35 urte ditu, eta profesional mailan egingo duen hamabosgarren sasoia izango da hurrengoa. Aurten arazo handiak izan ditu eroriko baten ondorioz, baina argi du zein den bere rola 2020rako: «Garrantzitsu izan nahi dut itzuli handietan, taldekideak babestuz».