Ohikoa denez denboraldian zehar parez pare aritu dira hainbat gidari maila txikienean. Azkenean Thomas Luthi (Honda) eta Mika Kallio (KTM) iritsi dira sasoi amaierara titulua irabazteko aukerekin. Oker handirik egiten ez badu Luthik du txapelketa eskura; hamabi puntuko aldea du Kalliorekiko. Azken lasterketan, Australian, berak irabazi zuen, eta Kallio bosgarren izan zen. Gainera, Istanbulgo zirkuitua berria denez, inork ez du besteekiko abantailarik izango. Luthiren mesederako izango da, sailkapenean duen aldearekin jokatuko baitu.
2006ko talde aldaketak
Pedrosaren igoerak hainbat aldaketa eragingo ditu talde askotan. 250 cc.-etako txapelduna HRC Hondako talde ofizialean ariko da. Biaggik taldea utziko du eta Camel Honda taldean ariko da. Pedrosa Honda moto batekin ariko dela ikusita, Gibernauk Ducatira joatea erabaki du, eta Checak utzi egingo du. Ziurrenik bera ere Camel Hondara joango da. Suzukik ez dio kontratua berrituko Kenny Robertsi, eta Shinya Nakanok Kawasakiko ikur izaten segiko du.
-
2006ko txapelketako behin betiko egutegia
Martxoak 26: Espainiako S. N.
Apirilak 8: Qatarko S. N.
Apirilak 30: Turkiako S. N.
Maiatzak 14: Txinako S. N.
Maiatzak 21: Frantziako S. N.
Ekainak 4: Italiako S. N.
Ekainak 18: Kataluniako S. N.
Ekainak 24: Herbehereetako S. N.
Uztailak 2: Britainia Hand. S. N.
Uztailak 16: Alemaniako S. N.
Uztailak 23: AEBetako S. N. (soilik MotoGPn jokatuko da).
Abuztuak 20: Txekiar Errep. S. N.
Irailak 10: Malaisiako S. N.
Irailak 17: Australiako S. N.
Irailak 24: Japoniako S. N.
Urriak 22: Portugalgo S. N.
Urriak 29: Valentziako S. N.
