Odriozolak 2022ra arte berritu du kontratua Realarekin

Alvaro Odriozolak eta Realak akordio bat lortu dute eskuin hegalekoaren kontratua 2022ra arte luzatzeko. Aspaldi zabaldu zen zurrumurrua, baina taldeak eta jokalariak atzo baieztatu zuten. Aurreko kontratua 2018ko udan amaitzen zen, eta, horrenbestez, lau urtez luzatu dute. Realak ez zuen etete klausularen berri eman, baina aurrekoa 30 milioi eurokoa zen, eta handitu egin du. Hainbat iturriren arabera, 50 milioikoa da. Jokalaria oso pozik agertu zen taldearen webgunean eginiko adierazpenetan: «Bi urte nituenetik Realeko bazkide naiz; hau albiste oso berezia da niretzat». Odriozolak aurreko sasoian egin zuen debuta Realaren lehen taldearekin, eta hamabost partida jokatu ditu, maila oso onean.