Lehen fasean lokartuta aritu diren batzuk esnatu egin dira bigarrenean, eta lehenengoan ongi aritu direnek ongi jarraitzen dute bigarrenean. Igandean hasi zen bigarren fasea, eta atzo jokatu zen bigarren saioa. Atzokotik nabarmentzekoa zera: Kroaziak berdindu egin zuela, baina partidarik galdu gabe jarraitzen duela, eta Danimarka iratzarri dela.
Bigarren fasera partida guztiak irabazita sailkatu den talde bakarra da Kroazia, eta partidarik galdu gabe jarraitzen duen bakarra da oraindik. Atzo, Islandiaren kontra berdindu zuen (26-26). Multzoko lehen postuan jarraitzen du Kroaziak (5 puntu), bigarren dago Islandia (4) eta hirugarren Norvegia (4). Norvegiak Austriari irabazi zion atzo (30-27), eta Danimarka egungo Europako txapeldunak Errusiari (28-34). Lau puntu ditu Danimarkak ere.
Beste multzoan, Polonia jarri zen igandean lehenengo, Espainiari irabazita (32-26). Gaur bi multzoetan jokatuko dira partidak, eta horietako asko erabakigarriak izango dira finalerdiak zehaztuta uzteko.
Partidarik galdu gabe jarraitzen du Kroaziak Austriako txapelketan
Europako Eskubaloi Txapelketako bigarren fasea hasi da, eta gaurko saioaren ostean hasiko dira finalerdiak zehazten
Iruzkinak
Ez dago iruzkinik
Ordenatu
