Atzo egindako lanak hobetu dituzte gaur Kevin Peponnet donibandarrak eta Jeremie Mionek belako 470 diziplinan. Bi lasterketa jokatu dituzte (lehiaketako bosgarrena eta seigarrena), eta, aurrenekoan hamabigarren tokian sailkatu baldin badira (hemeretzi ontzi ari dira lehiatzen), bigarrengoan estropada ederra osatu dute, eta bigarren sailkatu. Kanporaketako sei estropada jokatu eta gero, zortzigarren dira sailkapen nagusian.
Lau estropada falta dira kanporaketa bukatzeko: igandean jokatu dituzte bi, eta astelehenean beste bi, bederatzigarrena eta hamargarrena. Lehen hamar sailkatuak pasatuko dira finalerako. Asteazkenean izango da, abuztuaren 4an.
