Portugalek garaipena behar du sailkatzeko; Herbehereek, berriz, miraria

Portugal eta Herbehereak egoera oso ezberdinean iritsi dira multzoko azken partidara. Portugal bigarren sailkatua da hiru punturekin, eta Danimarkak egiten duen emaitza berdintzearekin aski du, betiere daniarrek Alemaniari astindu handia ematen ez badiote. Zaila dirudi; beraz, ziur asko garaipenarekin aski izango du. Herbereheek, berriz, azken postuan eta punturik gabe, oso zail dute final-laurdenetarako sailkatzea. Portugali bi golen baino gehiagoren aldearekin irabaztea eta Danimarkak galtzea behar dute Eurokopari agur ez esateko.